* Wafaa ki rah ko hum ishq ki manzil bana dete hai’n *
Ghazal numa
Wafaa ki rah ko hum ishq ki manzil bana dete hai’n
Agar woh hausla dete
Karhe kyaa churhiyo’n se guftagu karte hai’n rato’n mei’n
Hame’n kuchh to bata dete
Guzarna chahte hai’n wasl ki ab inteha se hum
Chiragho’n ko bujha dete
Agar yeh jaante radde amal pahunchega mandir tak
To kyo’n masjid ko dha dete ?
Mere izhar ke khitto’n me'n mujh ko dho’ndne walo’n
kabhi apna pata dete
Hame’n ab sa’ns lena bhi yaha’n dushwar hai “Sariq”
Hamei’n patthar bana dete
|