* Mayel Makro Fareb Hai'n sab kaisi sadaqat kaisa haq *
Mayel Makro Fareb Hai'n sab kaisi sadaqat kaisa haq
Baatil ka baatil mazhab kaisi sadaqat kaisa haq
Tere paak sahifo'n se log baghawat kar baithe
Is duniya mei'n ab yarab kaisi sadaqat kaisa haq
Ziist basar karne ka yaha'n koi bhi miyaar nahi'n
Dhoond rahe hai'n sab mansab kaisi sadaqat kaisa haq
Shahar ki sarhko'n par ab bhi kitne halakoo ghoomte hai'n
Phir bhi hai'n log maherban lab kaisi sadaqat kaisa haq
Aik mahajan ke hatho'n aaj bhi ye mazdoor kisan
Bhog rahe hai'n qahro ghazab kaisi sadaqat kaisa haq
Tum bhi mere shahar ke paas zehan ko girvi rakh kar ab
Roshan din ko keh do shab kaisi sadaqat kaisa haq
Chobdar, Marhera, Etah-207401(UP)
|