* hain ab is fikr me doobe hue ham *
hain ab is fikr me doobe hue ham
use kaise lage rote hue ham
koi dekhe na dekhe saal ha saal
hifazat se magar rakhkhe hue ham
na jane koun si duniya mein gum hain
kisi bemaar ki sunte hue ham
rahe jiski masihaye me ab tak
usi ke charagar hote hue ham
gara,n thi saaye ki moujoodgi bhi
ab apne aap se sehme hue ham
kahan hain khwaab mein dekhe jazire
nikal aaye kidhar behte hue ham
badhin nazdikiyan is darja khud se
ki ab uska badal hote hue ham
rakhein kyunkar hisab ek eik pal ka
bala se roz kam hote hue ham
bahut himmat ka hai ye kaam shariq
ki sharmate nahi darrte hue ham....shariq kaifi
******** |