Ik muammaa hai samajhaane kaa na samajhane kaa 
zindagii kahe ko hai khwaab hai diivaane kaa 

zindagii bhii to pashemaan hai yahaan laake mujhe 
Dhuundhtii hai koii hiilaa mere mar jaane kaa 

haddiyaan hain kaii liptii huii zanjiron mein 
liye jaate hai.n janaazaa tere diivaane kaa 

tum ne dekhaa hai kabhii ghar ko badalate hue rang 
aao dekho na tamashaa mere ghum_Khaane kaa 

ab ise daar pe lejaa ke sulaa de saaqii 
yuun behakanaa nahii achchhaa tere diivaane kaa 

ham ne chhaanii hai.n bahot dair-o-haram kii galiyaan 
kahii.n paayaa na thikaanaa tere diivaane kaa 

har nafas umr-e-guzashtaa kii hai mayyat "Fani" 
zindagii naam hai mud mud ke jiye jaane kaa.