غزل

ہنسنا ہے زندگی کبھی رونا ہے زندگی
یادوں میں دلنشین کے کھونا ہے زندگی
بدکاریوں کو چھوڑیئے خود کو سنواریئے
مٹی نہیں ہے دوستو سونا ہے زندگی
دنیا کا حال دیکھ کے ہوتا ہے یہ گماں
قدرت کے ہاتھوں کا یہ کھلونا ہے زندگی
باطل سے رشتہ جوڑ کے رخ حق سے موڑ کے
موجِ بلا میں خود کو ڈبونا ہے زندگی
رنگین تتلیوں سے یہ کہتے ہیں باغباں
کانٹوں بھرے گلوں کا بچھونا ہے زندگی
ہر بے شعور فرد کو مزدور کی طرح
تا عمر اپنی پیٹھ پہ ڈھونا ہے زندگی
شوکت علی غزل کا یہ مصرعہ بھی خوب ہے
خلدِ بریں کے حسن کا کونا ہے زندگی

شوکت علی صادق

27/29/3, Pilkhana
Howrah-711101
Mob: 9339663385
بشکریہ ’’میر بھی ہم بھی‘‘	مرتب: مشتاق دربھنگوی
………………………