غزل

اب ادائوں سے محبت کرلوں
میں بھی تھوڑی سی عبادت کرلوں

تجھ کو دعویٰ ہے خدائی کا مگر
میں ترے دل پہ حکومت کرلوں

ایک پتھر سے محبت کرکے
شیشۂ دل سے شرارت کرلوں

عشق کہتا ہے ہمیشہ مجھ سے
ساری دنیا سے بغاوت کرلوں

تم نے افسانے سنائے ہیں بہت
پیش میں اپنی حقیقت کرلوں

عشق نے کردیا رسوا شوکت
حسنِ جاناں سے شکایت کرلوں

 ڈاکٹر) شوکت جہاں )

8/1, Chamru Khansaman Lane
Kolkata-700017
Mob: 9903243728
بہ شکریہ جانِ غزل مرتب مشتاق دربھنگوی
+++