Laut ai tere lams se mahaki hui shamay
Phir ag laga di teri sanson ne hawa 
Raqsan hain isi lay pe sitaren hon ki shabanam
Kya sahar hai is dil ke dharakane ki sada may
Ik nur ka sailab hai band ankhon ke andar
Lipate hue chehare hain andhere ki rida may
Kis ag ne rakkha hai qadam dil ki zamin pe
Suraj se damakate hain nishan e kaf e pa may
Is Khauf se ik umr hamay nind na ai
Ik chor chupa baitha hai sine ki gufa may
Jag uttha hai dil may koi soya hua wahashi
Ham ghar may hain `Shehzad` ki jangal ki faza may