|
* Ye soch kar ki teri jabi'n par na bal parhe *
Ye soch kar ki teri jabi'n par na bal parhe,
Bas dur hi se dekh liya aur chal parhe,
Dil may phir ik kasak si uthi muddaton ke bad,
Ik umr ke ruke hue ansu nikal pare,
Sine may beqarar hain murda muhabbaten,
Mumkin hai ye charag kabhi khud hi jal pare,
Ai dil tujhe badalati hui rut se kya mila,
Paudhon may phul aur darakhton may phal pare,
Ab kis ke intazar may jagen tamam shab,
Wo sath ho to nind may kaise khalal pare,
`Shehzad` dil ko zabt ka yara nahi raha,
Nikala jo mahatab samandar uchal pare. |
|