* غریبوں کے مشکل کشا یا محمدؐ *
نعت پاک
غریبوں کے مشکل کشا یا محمدؐ
اِدھر اک نگاہِ عطا یا محمدؐ
زمانے کے نبیوں میں ہیں آپؐ ہی بس
رسول و حبیبِ خدا یا محمدؐ
فقط آپؐ کا نور ہے جس سے کی ہے
ہر اک شے نے کسبِ ضیا یا محمدؐ
رہے گا یہ نامِ مقدس ہمیشہ
ہر اک قلب کا مدعا یا محمدؐ
ستم پر ستم ہر گھڑی ٹوٹتا ہے
ہے نازل جفا پر جفا یا محمدؐ
مقدر میں ہیں آج ہر اُمتی کے
تکالیف لا انتہا یا محمدؐ
بوقتِ قضا یہ تمنا ہے شیبا
ہو لب پر مرے یا خدا یا محمدؐ
شیبا کوثر
Little Flower School
Barah Batrah, Arrah, Bhojpur-802301 (Bihar)
Mob: 9386271170
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|