* آئینہ رُو کے شوق میں حیراں ہوا ہوں *
غزل
٭………سراج اورنگ آبادی
آئینہ رُو کے شوق میں حیراں ہوا ہوں میں
زلفوں کو اس کی دیکھ پریشاں ہوا ہوں میں
ہے خونِ دل شراب مجھے اور گز ک جگر
جب سو پرت کی بزم میں مہماں ہوا ہوں میں
آبِ حیات وصل دے عمرِ جاوداں
خنجر سو تجھ فراق کے بے جاں ہوا ہوں میں
مدّت سوں تھا زیارتِ کعبہ کا مجھ کو ذوق
تیری بھواں کو دیکھ کر قرباں ہوا ہوں میں
اس ماہ روکوں دیکھ کے جیوں شمع اے سراجؔ
اپنے عر ق کے شرم میں پنہاں ہوا ہوں میں
**** |