* جاں بلب ہوں، ہے کہاں وہ دولبر جادو *
غزل
٭………سراج اورنگ آبادی
جاں بلب ہوں، ہے کہاں وہ دولبر جادو لقب
دل برِ جادو لقب کے ہجر میں ہوں جاں بلب
بے ادب کو اے صنم ہر گز نہ کر تو روبرو
روبرو تیرے ہوئی ہے آرسی کیا بے ادب
بے سبب ہم بے گناہوں پر روا مت کر ستم
کرستم ہم کو کیا ہے قتل کیوں تو بے سبب
زلفِ شب ہے اور تیرا عارض ہے رشکِ آفتاب
آفتاب اب ہے ترا رخسار و تیری زلف شب
ہے غضب بے جا ہماری جان پر اے من ہرن
من ہرن تیرِ تغافل حق میں میرے ہے غضب
منتخب ہے مصرعِ موزوں و قدّ گل بدن
گل بدن کا وو خمِ آبرو ہے فردِ منتخب
مستحب ہے عشق کے مذہب میں ترکِ ماسوا
ما سوا سے باز آنا ہے سراجؔ اب مستحب
****** |