"Aa Gaya Jiska Nahi'n Hai Koi Saani Wo Rasool"

Jo Karega Ab Dilo'n Par Hukmarani Wo Rasool.,

Aa Gaya Jo Hai Safeere La Makani Wo Rasool,,

Dega Jo Paigham Ukhwat Ka Mohabbat Ka Sada.,

Jo Andhero'n Mein Karega Zau Fashani Wo Rasool,,

Jo Dikhaega Hidayat Ka Haqeeqee Raasta.,

Wo Jo Bakhshega Jaha'n Ko Kaamrani Wo Rasool,,

Jis Ke Qadmo'n Se Khilenge Phool Saharaon Mein Bhi.,

Le Ke Aaya Hai Jo Rehmat Ki Nishani Wo Rasool,,

Wo Jo Pyara Hai Khuda Ka Jo Habibe Haq Numa.,

"Aa Gaya Jiska Nahi'n Hai Koi Saani Wo Rasool",,

Aa Raha Hai Haq Dilane Be Kas O Majboor Ko.,

Door Karne Be Zoba'n Ki Be Zobani Wo Rasool.

Aa Raha Hai Le Ke Paighame Mohabbat Aey ‘Siraj’.,

Jis Se Hasil Hogi Sab Ko Shaadmani Wo Rasool….!

***********************