aata hai sub.h uTh kar terī barabarī ko

kya din lage hai.n dekho khurshid-e-ḳhavari ko

dil marne ka nusḳha pahu.ncha hai ashiqo.n tak

kya koi janta hai is kimiya-garī ko

us tund-khu sanam se milne laga huu.n jab se

har koi janta hai meri dilavari ko

apnī fusu.n-gari se ab ham to haar baiThe

baad-e-saba ye kahna us dilruba pari ko

ab khvab me.n ham us kii surat ko hai.n taraste

ai aarzu hua kya baḳhto.n ki yavari ko

۸۸۸۸۸۸۸۸۸۸۸۸۸