* Aisa wardaan mile jis ko woh pagal ho jaye *
Aisa wardaan mile jis ko woh pagal ho jaye
haath sone ko lagata hooN to peetal ho jaye
tanha rehna hai to tanhai mokammal ho jaye
kyoN na har shaks tasawur se bhi aojhal ho jaye
mar chukka aNkh meiN ummeed ka panchi mera
mere armanoN ki dharti bhi na daldal ho jaye
ishq nazuk ja woh jazba hai jo andar andar
kabhi chubhta bhi rahe aur kabhi makhmal ho jaye
jis ko chaho na mile, jis ko na chaho woh mile
zindagi tera moamma bhi kabhi hal ho jaye
lao meiN jiski maiN jala karta hooN din raat wahi
jab mojassam ho inn aNkhoN meiN to badal ho jaye
waqt ne itni guzarish bhi meri thukra di
aarzoo thi koi ek pal bhi mera pal ho jaye
ghar meiN yaad aate haiN wahshat ke wo din raat 'sohail'
aisa ho ab yahi kamra mera jungle ho jaye
|