* Yeh kaon hai jo moqaddar ka khel khelta hai *
Yeh kaon hai jo moqaddar ka khel khelta hai
mujhe pahad ki choti se kyuN dhakelta hai
meri tarah kabhi parwaz kar nahiN sakte
yeh jodtod unhiN ka mujhe ghulelta hai
woh chahta to meri shab bhi jagmaga uThti
ruche-sehar pe magar coaltar undelta hai
jo tujh ko sochooN to roshan naye naye imkaaN
jo tujh ko likhooN to kaghaz bhi jaise phailta hai
yeh shahre-jabr hai yeh khud tumheiN sikha dega
koi khamoshi se har karb kaise jhelta hai
udhar nahi ke irada jidhar tha jane ka
hujoom mujh ko kisi aur simt relta hai
talash jiss ki hai woh shae mile bhi kaise 'sohail'
ke justajoo ko zamana meri nukelta hai
|