Aur ko_ii dam kii hai mehamaa.N guzar jaayegii raat
Dhalate Dhalate aap apanii maut mar jaayegii raat

zindagii me.n aur bhii kuchh zahar bhar jaayegii raat
ab agar Thaharii rag-o-pai me.n utar jaayegii raat

hai ufaq se ek sang-e-aafataab aane kii der
TuuT kar maanind-e-aa_iinaa bikhar jaayegii raat 

ham to jaane kab se hai.n aavaaraa-e-zulmat magar
tum Thahar jaao to pal bhar me.n guzar jaayegii raat 

raat kaa anjaam bhii maaluum hai mujh ko 'Soroor'
laakh apanii had se guzare taa-sahar jaayegii raat

With Thanks : Manzar Hussain akbar
Email : mnzr_99@yahoo.com