* الزام میرے سر پہ لگا کچھ نہ کچھ تو ہ *
غزل
سہیلؔ فاروقی
الزام میرے سر پہ لگا کچھ نہ کچھ تو ہے
یعنی میری وفا کا صلہ کچھ نہ کچھ تو ہے
ایسا نہیں کہ سارا زمانہ ہی پی لیا
میری رگوں میں خونِ وفا کچھ نہ کچھ تو ہے
دولت نہیں رہی وہ عمارت نہیں رہی
لیکن متاعِ صبر و رضا کچھ نہ کچھ تو ہے
پشر مردہ گل ہیں کلیاں ہیں سوکھی ہوئی تمام
مسموم اس چمن کی ہوا کچھ نہ کچھ تو ہے
یوں تو اندھیری رات میں جگنوں کی کیا بساط
منزل کے راستے میں ضیا کچھ نہ کچھ تو ہے
میں مسکرا رہا ہوں زمانے کے سامنے
اس دل میں رنج و غم کے سوا کچھ نہ کچھ تو ہے
کہنے کو یوں تو لوگ غزل کہتے ہیں سہیلؔ
انداز تیرا سب سے جدا کچھ نہ کچھ تو ہے
٭٭٭
|