سید شاہ نعیم الدین نعیمی          
    
(شکاگو)    
    
امن کی آشا                                    
            
کب تک یوں درمیاں میں سدا دشمنی رہے
ایسا قدم اٹھا ؤ کہ اب دوستی رہے        
دیوار جب کہ ایک ہے دونوں کے درمیاں
کیوں پھر تعلقات میں ایسی کجی رہے         
جب شکل و رنگ و روپ و زبان و زمین ایک
من دیگرم و تا بکہ تو دیگری رہے    
رہتے تو پاس پاس ہیں ‘ پہچانتے نہیں
  نسلیں گزرگیئ ہیں مگر اجنبی رہے        
سورج کی دھوپ ‘ چاندنی ‘ بادل ہیں مشترک    
 دونوں     طرف بھی سال کا موسم وہی رہے        
اُس سَمت ہوں کھڑے تو پڑے سایہ اِس طرف
ریکھا زمیں پہ باأٹ کی چاہے لگی رہے        
پھلے اجالا دونوں طرف ساتھ ساتھ ہی
 اک وقت میں ہی رات کی چادر تنی رہے        
فطرت نے باندھ رکھا ہے دونوں کو ایک ساتھ
کب تک حقیقتوں سے یوں ہی بے رخی رہے        
امن و اماں کی چا ہ ہے دم توڑنے نہ دو        
 ایسا نہ ہو کہ دھوم یہ بس عارضی رہے        
خواہش ہے سب کی آگ یہ نفرت کی سرد ہو
کچھ چاہتے ہیں آگ لگی ہے لگی رہے         
چند رہبروں کی ذاتی سیاست ہے دوستو
 ہے یہ ہوَس کسی طرح اپنی بنی رہے        
سلجھاؤ اس طرح کہ الجھتی رہے یہ ڈور
 ہر شاطرانہ چال کی بازی لگی رہے        
کتنا لہو بہا ہے مگر کیا ملا کسے
 اب اور کتنا خلق کی جاں پر بنی رہے         
تلوار کو نیام کر و ‘ تیغ توڑ دو
 جنگ و جدل و بغض سے پہلو تہی رہے         
بچے یتیم اب نہوں ‘ ا جڑیں نہ گودیاں
 سر پر سہاگنوں کے سجی اوڑھنی رہے        
ہم سب ہی مل کے آؤ نعیمی کریں دعا
 شمعِ امیدِ امن جلی ہے ‘ جلی رہے

۸۸۸۸۸۸۸۸۸۸۸۸۸۸