الف فورم کے ہفتہ وار فی البدیہہ مشاعرہ کے لئے تحریر کردہ اشعار:

کام ہے اپنی بے خودی سے مجھے
پھر سروکار کیا کسی سے مجھے

لاکھ کوشش سے جو نہ مل پایا
مل گیا آنکھ کی نمی سے مجھے

زندگی مجھ سے چاہتی کیا ہے
چاہئے کیا ہے زندگی سے مجھے

غم میں خوشیوں کا امتزاج ملا
رنج ملتے رہے خوشی سے مجھے

خود کی پہچان اور بڑھتی گئی
جب ملا کوئی بے رخی سے مجھے

خیر ہو جس کو چھوڑ آئے تھے
پھر گذرنا ہے اس گلی سے مجھے

لوگ تم سے کہاں رہے عارفؔ
تم بھی لگتے ہو آخری سے مجھے
******