غزل 

اتنی مہلت بھی مجھے رقصِ سفر نے نہ دیا
دو گھڑی بھی کسی منزل پہ ٹھہرنے نہ دیا

آئینہ دیکھ کے مغرور نہ ہوجائوں کہیں
اک اسی خوفِ مکرر نے سنورنے نہ دیا

ملنے جلنے میں بھی محتاط رویہ رکھو
اس وصیت نے مجھے حد سے گزرنے نہ دیا

اپنے آبا کی روایت سے محبت ہے مجھے
اس لئے سر سے دوپٹہ کبھی گرنے نہ دیا

مجھ کو منت کشِ مرہم نہیں ہونا منظور
میں نے زخموں کو اسی وجہ سے بھرنے نہ دیا

ٹوٹی کشتی میں بھی اک نامِ خدا نے مجھ کو
زورِ امواجِ بلا سے کبھی ڈرنے نہ دیا

گو ہوا تیز تھی پر ماں کی دعا نے اے ناز
میرے چہرے پہ کبھی زلف بکھرنے نہ دیا

سیدہ ساجدہ ناز

Sheristan
Ahmad Nagar
Baranpur-713325
Asansol (W.B)
Mob: 9832156786
sajda.naaz@gmail.com
بہ شکریہ جانِ غزل مرتب مشتاق دربھنگوی
+++