|
* Uthkar chale hain woh jab kabhi hamaare pehloo se *
Uthkar chale hain woh jab kabhi hamaare pehloo se;
Dur ho gaya hai dil phir jeene ki aarzoo se;
Dard ne asar chhod diya,hayaat muskuraa utthi,
Hue hain rubaroo jab bhi tumhari guftugoo se;
Manand-e-gul lehraa rahe hain zakhm shaakh-e-hayaat par,
Aao inhe mehkaa do tum apne badan ki khushboo se;
Baat chali to phir kitne hi raaz ayaan hote gaye,
Sekdon fasaane nikle ek mukhtasar si guftugoo se;
Ahal-e-jahaan ne zulm kiya hume naam-e-sharaafat dekar,
Ek ghurbat ke siva kya paaya hai humne achi aabroo se;
Na shakl se na libaas se na dulat se na shurat se,
'Taasir' ne paayi hai pehchhan apni zabaan-e-urdoo se;
|
|