حمد

تیرے آگے میرا سر سجدے میں ہردم لگتا ہے
جتنا تیرا شکر ادا کرتی ہوں وہ کم لگتا ہے

تیری یاد میں میری آنکھیں جب جب چھلکا کرتی ہیں
دل کا بوجھ اتر جاتا ہے ہلکا ہر غم لگتا ہے

تاریکی میں نور کی خاطر جب میں بھٹکنے لگتی ہوں
ہر پل میرے ساتھ ہے تو ہی ، ایسا ہردم لگتا ہے

برسے گا اک روز مجھی پر تیرا ابرِ رحمت جب
بدلے گا اُس روز خزاں کا میرا موسم لگتا ہے

آنکھوں میں اٹکی ہے میری جاں، لگتا ہے مجھ کو ایسا
تیرے ہی محبوب کے در پر نکلے گا دم ، لگتا ہے

تسنیم فردوسی

Teacher Maulana M. A. J. girls Primary School
Garden Reach, Kolkata-700024
Mob: 8013468294
بشکریہ ’’غزالانِ حرم‘‘ مرتب: مشتاق دربھنگوی
……………………………………