حمد

عیب سارے نکال دے مولیٰ
بے ہنر ہوں کمال دے مولیٰ

تجھ سے مانگوں تو بے حساب ملے
ایسا دستِ سوال دے مولیٰ

فہم و ادراک کے خزانوں کو
میری جھولی میں ڈال دے مولیٰ

رکھ ہمیشہ پناہ میں اپنی
سب بلائوں کو ٹال دے مولیٰ

بحرِ رحمت سے اپنے کچھ قطرے
میری جانب اچھال دے مولیٰ

سر جھکائوں تو بس ترے در پر
بندگی بے مثال دے مولیٰ

چھین لے مجھ سے لذتِ دنیا
نعمتیں لازوال دے مولیٰ

تسنیم جوہر

H.No. 16-11-17/2, Saleem Nagar Colony
Malakpet, Hyderabad-36 (A.P)
Mob: 9440954495 / Ph: 040-24548420
Email: tasneemjowher@gmail.com
بشکریہ ’’غزالانِ حرم‘‘ مرتب: مشتاق دربھنگوی
……………………………………