Asal mein nahi to mere khawab mein aajayen na
Ek baar phir se mujhe, beta keh ke bulayen na

Jiss baat se mujhe phir se sukoon mil jaye
Koi ek aisi baat phir se mujhe aap batayen na

Dar sa lagne laga hei mujhe dunya ki makaari se
Khuloos ki mehak se phir ghar ko sajayen na

Jisko sun’ne se araam ki neend mujhe aa jaye
Ik baar phir koi aisi lori mujhe sunayen na

Hei yehi dua labon par WAKAS, har ek dua se pehle
Le le Khuda har naimat ko, par cheene kabhi wo maayen na