Dil o jaan se tujh ko chahoon, apni jaan mein tujh pe luta doon 
Gham jo aaye tumhare raste, aage khud ko hi mein bicha doon 

Cheer ke dekhe jo dil tu mera, apne chehre ko hi pao gi tum 
Deewaron pe mere dil ki aise, teri tasweer ko mein laga doon 

Tumhare ansoo'on ki bhala qeemat, tumhe khud pata kya hogi 
Bass mein ho jo kabhi ye mere,har ansoo ko heera bana doon 

Apne Honton se bol kar dunya, yaha karti hi rehti hei batein 
Kya awaz sun paogi tum meri, gar dil se hi mein sada doon? 

Ussi waqt ho jaye band dil ye, jo tere dil se ziada dhadke 
Ik saans bhi na le paon, Agar kabhi aisi tujhe dagha doon 

Kaun kehta hei WAKAS ke dunya mein, muhabat nahi hei hoti 
Masoom sa hum dono ka qissa, zara bolo to mein suna doon?