غزل

٭……وَلی محمد ولی

اس کوحاصل کیوں کر ہوئے جگ میں فراغِ زندگی 
گردشِ افلاک ہے جس کو ایاغ زندگی
اے عزیزاں سیر گلشن ہے گلِ داغ الم!
صحبت احباب ہے معنی میں باغِ زندگی
لب ہیں تیرے فی الحقیقت چشمہ آب حیات
خضر خط نے اس سوں پایا ہے سراغِ زندگی
جب سوں دیکھا نئیں نظر بھر کا کالِ مشکین یار
تب سوں جوں سنبل پریشاں ہے دماغِ زندگی
آسماں میری نظر میں کُبّۂ تاریک ہے
گرنہ دیکھوں تجھکو اے چشم و چراغ زندگی
لالہ خونیں کفن کے حال سوں ظاہر ہوا
بستگی ہے خال سوں خوباں کے داغ زندگی
کیوں نہ ہوے اے ولی روشن شب قدر حیات
ہے نگاہِ گرم گل رویاں چراغ زندگی
****