غزل

٭……وَلی محمد ولی

عیاں ہے ہر طرف عالمِ میں حسنِ بے حجاب اس کا
بغیر ازدیدۂ حیراں نہیں جگ میں نقاب اُس کا
ہوا ہے مجھ پہ شمع بزم یک رنگی سوں یوں روشن
کہ ہر ذرے اُپرتاباں ہے دائم آفتاب اس کا
کرے ہے عشاق کو جیوں صورت دیوار حسرت سوں
اگر پردے سوں وا ہووے جمال بے حجاب اس کا
سجن نے یک نظر دیکھا نگاہِ مست سوں جس کو
خرابِ دو عالم میں سدا ہے وہ خراب اُس کا
مرا دل پاک ہے از بس، ولی زنگِ کدورت سوں
ہوا جس جوہرِ آئینہ مخفی پیچ و تاب اس کا
****