* تجھ لب کی صفت لعل بدخشاں سوں کہوں گ *
غزل
٭……وَلی محمد ولی
تجھ لب کی صفت لعل بدخشاں سوں کہوں گا
جادو ہیں تیرے نین غزالاں سو کہوں گا
دی باد سہی حق نے تجھے حُسن نگر کی
یو کشورِ ایران میں سلیماں سوں کہوں گا
تعریف ترے قد کی الف وار سری جن
جا سرو گلستاں کو خوش الحاں سو کہوں گا
مجھ پہ نہ کرو ظلم تو اے لیلی خوباں
مجنوں ہوں ترے غم کو بیاباں سوں کہوں گا
دیکھا ہوں تجھے خواب میں اے مایۂ خوبی
اس خواب کو جا یوسف کنعاں سوں کہوں گا
جلتا ہوں شب و روزترے غم میں اے ساجن
یہ سوز ترا م عشلِ سوزاں سو ں کہوں گا
یک نقطہ تیرے صفحہ رُخ پر نہیں بے جا!
اس مکھ کو ترے صفحۂ قراں سو کہوں گا
بے صبر نہ ہو اے ولیؔ اس دود سوں ہر گز
جلتا ہوں تیرے درد میں درماں سوں کہوں گا
**** |