Josh par phir hai tabiyat tere diivaano.n kii,
phir chamakane ko hai taqdiir biyaabaano.n kii,

TuuTaa TuuTaa saa hai har ek sahaaraa dil kaa,
suunii suunii hai duniyaa mere armaano.n kii,

saarii duniyaa to chhuuTii tum ne bhii muu.Nh mo.D liyaa,
qaabil-e-raham hai haalat mere armaano.n kii,

aur hii ruKh hai havaa-e-Gham-e-dil kaa "Yahya",
bahakii bahakii sii hai baate.n tere diivaano.n kii.