اپنی یادوں میں ھمارے بھی حوالے رکھنا

ظلمتوں کے لیٔے کچھ دیپ سنبھالے رکھنا

 

 
درد مندی ہے بڑی چیز اگر مل جاۓ

اپنے پہلو میں کسی درد کو پالے رکھنا

 

راہ تاریک ہے اور دور ہیں منزل کے چراغ

چشم  دل کے قریں اُمّید کے ہالے رکھنا 

 

دشمنوں کے بھی حوالے سے جُڑا ہوتا ہے نام

اپنے دشمن بھی ذرا قائدے والے رکھنا

 

چشمِ بلبل تری آنکھوں سے نہ تشبیہ دے دے

بارے نرگس سے کہو آنکھ میں جالے رکھنا

 

 
یوں نہ ہو ترکِ تعلّق پہ ہو افسوس تمہیں

واپسی کی بھی کویٔ راہ نکالے رکھنا
*******************************