میں حرفوں کے کھنڈر کھنگالتا ہوں

کوئی اسمِ ھُنر؟ کھنگالتا ہوں

 

نگاہیں عرش پر کیا ڈھونڈتی ہیں

دعاۓ بے اثر کھنگالتا ہوں

 

مِری آوارگی یہ پوچھتی ہے

یہ کیا میں در بدر کھنگالتا ہوں

 

مجھے منزل ملے گی ؟ کیا کروں گا

سفر پر میں سفر کھنگالتا ہوں

 

میں اپنے آپ میں ڈوبا نہیں ہوں

تہہِ ھستی گُہر کھنگالتا ہوں

 

سراغِ ھستیٔ گم گشتہ مل جاۓ

تِری یادیں اگر کھنگالتا ہوں

 

اندھیرے میں کویٔ جگنو ملے گا

سو اس کو بے خطر کھنگالتا ہوں

 

میں اُڑتا ہوں کہ اپنے بال و پر سے

ہوا کے بال و پر کھنگالتا ہوں
*************************