* کچھ نہیں تھا تو دھُواں تھا پہلے *
کچھ نہیں تھا تو دھُواں تھا پہلے
واقعہ ؛ سرّ ِ نہاں تھا پہلے
حادثہ ؛ یوں ہی اچانک نہیں تھا
کچھ تو ہونے کا گماں تھا پہلے
بے یقینی سے یقیں تک کا سفر
مَیں ‘ سرِ نوکِ گُماں تھا پہلے
اب اسے اپنی خبر ہے کہ نہیں ؟
عدم فریاد کناں تھا پہلے
اب اگر شکوہ کناں ہے انساں
تو ؛ کبھی گریہ کناں تھا پہلے
خاک میں خاک نشیں مل گیا ہے
رونقِ بزمِ جناں تھا پہلے
اب کویٔ صورتِ انکار نہیں
اتنا کب عجزِ بیاں تھا پہلے
دل مرا ہے اسیرِ تہمتِ عشق
خاطیٔ بزمِ بُتاں تھا پہلے
************************ |