تری یادوں کے چراغوں میں یہ جلتی ہویٔ رات

مری آنکھوں سے چھلکتی رہی ڈھلتی ہویٔ رات

 

سمِ امروز سے مارا ہوا ، ہارا ہوا دن

کسی فردا کی امیدوں پہ بہلتی ہویٔ رات

 

کبھی آنکھوں میں رکے کویٔ گذرتا ہوا پل

کبھی سانسوں میں اٹک جاتی ہے چلتی ہویٔ رات

 

نہ ٹلا ہے کبھی زخموں میں سلگتا ہوا دن

نہ تھمی ہے کبھی اشکوں میں ابلتی ہویٔ رات

 

کہیں بے شکل کے ساۓ ، کبھی آواز کویٔ

مجھے سونے نہیں دے گی یہ مچلتی ہویٔ رات

 

مرے ہاتھوں کی لکیروں میں مشقّت دن کی

مرے خوابوں کے مقدّر میں ہے ڈھلتی ہویٔ رات
********************************