* دھیرے دھیرے یہ رگ و پے میں اترتی ہو *
دھیرے دھیرے یہ رگ و پے میں اترتی ہویٔ آگ
راکھ کر دے نہ مجھے دل سے گذرتی ہویٔ آگ
اپنے اندر کسی کونے میں سمٹتا ہوا میں
اور مجھ میں یہ ہر اک سمت بکھرتی ہویٔ آگ
لمحہ لمحہ یہ مرے سینے میں جلتا ہوا دل
قطرہ قطرہ یہ مِرے خوں میں نکھرتی ہویٔ آگ
کیا کسی آتشِ رفتہ کا نشاں ڈھونڈتی ہے؟
کیوں اچانک ہے بھڑکنے لگی مرتی ہویٔ آگ
آج ناقابلِ برداشت سی کیوں ہے یہ تپش
کیوں جلاتی ہے مجھے آج یہ برتی ہویٔ آگ
ہر کسی دل میں کہیں ہے کویٔ چنگاری دبی
ہر نفس میں ہے نہاں کویٔ ابھرتی ہویٔ آگ
********************************** |