تِری یادوں سے باہر آ گیا ہوں

میں اب خوابوں سے باہر آ گیا ہوں

 

نکھرتی ہے فضاۓ موسمِ جاں

میں کن پرتوں سے باہر آ گیا ہوں

 

سرِ افلاک کویٔ فاختہ ہے ؟

تو کیا شاخوں سے باہر آ گیا ہوں

 

کنارے دشمنی پر ہیں اُتر آۓ

جو میں موجوں سے باہر آ گیا ہوں

 

انہیں سمجھو نہیں تم میرے آنسو

میں شریانوں سے باہر آ گیا ہوں

 

مِرے اندر کویٔ شۓ گھُٹ رہی تھی

سو میں سانسوں سے باہر آگیا ہوں

 

گھِرا جب سے عدو کے دایٔرے میں

تو اندیشوں سے باہر آ گیا ہوں

 

اُٹھے نہ دھوپ کا سایہ بھی سر سے

سو میں چھاؤں سے باہر آگیا ہوں

 

مِری آہوں کوبھی اک اسم دے دے

 میں اب حرفوں سے باہر آ گیا ہوں

 

مُجھے تڑپا ، جلا ، کویٔ سزا دے

تِری قدروں سے باہر آ گیا ہوں ۔
************************