* لاریب حق کی شمعِ منور ہیں مصطفی ؐ *
نعت پاکؐ
لاریب حق کی شمعِ منور ہیں مصطفی ؐ
تاریکیوں میں نور کا پیکر ہیں مصطفی ؐ
اللہ نے کیا وہ عطا مرتبہ انہیں
پیغمبروں میں افضل و بہتر ہیں مصطفی ؐ
چہرے پہ ان کے نورِ بشاشت کا ہے ظہور
رہ کر اذیتوں میں بھی خوشتر ہیں مصطفی ؐ
دشمن کو بھی نوازا دعائوں سے آپ نے
رحمت ہر اک کے حق میں سراسر ہیں مصطفی
تسکین ان کے نام سے ملتی ہے بے حساب
میرا سکون قلب برابر ہیں مصطفی ؐ
مشفق بھی مہر بان ہیں وہ رفیق بھی
اچھائیوں کے مخزن و مظہر ہیں مصطفی ؐ
دل میں ہے ان کا نام زبا پر ہے ذکر خیر
میں تو سمجھ رہا ہوں کہ گھر گھر ہیں مصطفی ؐ
گمراہیوں کا اب کوئی امکاں نہیں رہا
رہبر ہیں مصطفی مرے رہبر ہیں مصطفی
امی لقب ہیں علم کا ہیں بحرِ بے کنار
میں تو یہی کہوں گا کے سمندر ہیں مصطفی ؐ
حیوانیت کے دور کو بدلا ہے آپؐ نے
’’ انسانیت کی صبحِ منور ہیں مصطفی ؐ
جس کی شعائیں کر گئیں ہر شئے کو تابناک
وہ روشنی وہ مہرِ منور ہیں مصطفی
بھر بھر کے جام دیں گے ہر اک امتی کو وہ
اے یاس حق ہے ساقی کوثر ہیں مصطفی
٭٭٭
|