نعتِ پاک ؐ

ہر ذرہ مدینے کا اک مہر درخشاں ہے
کانٹا بھی حقیقت میں صدر شکِ گلستاں ہے

دن رات وہاں حق کے انوار برستے ہیں
طیبہ کا ہر اک کوچہ پُر نور ہے تاباں ہے

پھر میری تمنا ہے روضے پہ پہنچ جائوں
آقاؐ کو سلامی دوں پھر دل میں یہا ارماں ہے

اللہ مجھے بھی ہو دیدار محمدؐ کا
مدت سے مرے دل میں یہ آرزو پنہاں ہے

اے کاش مری جانب ہو دستِ کرم اُنؐ کا
میں بھی متمنی ہوں خالی مرا داماں ہے

نسبت ہے مجھے حاصل سرکارِؐ دوعالم سے
سرکارِؐ دوعالم کامجھ پہ بہت احساں ہے
دل سے نہیں کرتا ہے آقاؐ سے محبت جو
وہ فیضِ محمدؐ سے محروم وپریشاں ہے

محبوب خدا ہے وہ محبوبِ دوعالم بھی
وہؐ شاہِ مدینہ بھی شاہوں کا وہؐ شاہاں ہے

خوش ہو جو بھلائی سے بچ جائے برائی سے
جس میں یہ صفت ہوگی وہ صاحبِ ایماں ہے

عاصی ہوں شفاعت کا محتاج ہوں میں ہردم
للہ کرم کیجے دل خوف سے لرزاں ہے

پھر جوش میں آتی ہے اُس کے لئے رحمت بھی
تنہائی کی راتوں میں اے یاسؔ جو گریاں ہے
٭٭٭