حمد باری تعالیٰ

یوں تو مری سرشت میں خیر بھی اور شر بھی ہے
عقل بھی ہے جنوں بھی ہے عیب بھی ہے ہنر بھی ہے
شکر کروں ترا ادا تونے مجھے بہت دیا
مجھ سے گناہ گا ر پر مولا تری نظر بھی ہے
بحر میں تو ہے بر میں تو شام میں تو سحر میں تو
مہر ترا ہے ضوفشاں جلوہ نما قمر بھی ہے
موم میں تُو ہے سنگ میں قوسِ قزح کے رنگ میں
یعنی ہر ایک چیز کے حسن میں جلوہ گر بھی ہے
کس کس کی میں مثال دوں ہر شئے میں توُ ہے ضوفشاں
برق لئے شرر بھی ہے آب لئے گہر بھی ہے
دل کی ہر ایک بات کو کون سنے ترے سوا
میرے خیال و فکر سے توہی تو با خبر بھی ہے
دنیا کے عیش سے مجھے کوئی خوشی نہیں ہے
بندہ ترا سکون سے بسترِ خاک پر بھی ہے
یاس توُ بے قرار تھا اس کو بھی دید یا سکوں
تیرا ہی نام ہر گھڑی اس کی زبان پر بھی ہے
٭٭٭