حمد باری تعالیٰ

ہنسنے والوں کو رلا دیتا ہے
رونے والوں کو ہنسا دیتا ہے
تم عقیدت سے پکاروتو سہی
سب وہ دکھ درد مٹا دیتا ہے
جو طریقہ ہے ذرا مانگو تو 
وہ طلب سے بھی سوا دیتا ہے
میں نہ کیوں محوِ عبادت ہی رہوں
ذکر جب اس کا مزا دیتا ہے
اس نے مٹی سے بنایا ہم کو 
اور پھر آب و ہوا دیتا ہے
ہم سے تو نام بھی روشن نہ ہوا
وہ تو ذروں کو ضیا دیتا ہے
کرکے دیکھو تو ذرا نیک عمل
وہ طرحدار صلہ دیتا ہے
اس سے مایوس نہ ہونا ہر گز
جو بھی مانگو وہ خدا دیتا ہے
تخم بھی اس کی عطا ہے اے یاس
جو بھی بوتے ہیں اُگا دیتا ہے
****