ghazal

chup chap sar e shehr e wafa soch rahey ho
lagta ha koi apni khata soch rahey ho

wo kon ha guzra tha jo is raahguzar se
kis k hen naqosh e kaf e pa soch rahey ho

tum sochtey rehtey ho k kya dekh raha hon
men dekhta rehta hon k kya soch rahey ho

khod apney gulistan k pholon ko masal kar
naraz ha kyon moj e saba soch rahey ho

ik wo hen jo takmeel e safar kar bhi chukey hen
ik tum ho abhi nam e khuda soch rahey ho

ik hum hen k gheron se bhi kartey hen mohabbat
ik tum ho k apnon ka bura soch rahey ho

yakrangi e afkar k is daur men Yawar
heran hon tum sab se juda soch rahey ho

by Yawar azeem.