kuChh nikaali hai, kuChh ghuseRhii hai,
koii to shai kahiiN nabeRhii hai,

ham ne har dastaan ke andar,
ik nayii daastaan hhai,

huuiiN ghaayab hamaari sab samteN,
jo mayyasar hai voh bhii TeRhii hai,

jo nikaali thii us ne baal kii khaal,
ham ne voh khaal bhii udheRii hai,

kaam apna tamaam kar de gii,
voh thapeRaa hai ya thapeRii hai,

suKhan aaraai ajnabi nahiiN kuChh,
ham ne yeh bhii mashiin geRii hai,

is musiibat ko aur kuChh na kaho,
ham ne yeh aap hii saheRii hai,

biich meiN hii bhaTak rahe haiN kahiiN,
apnii choTii hai aur na eRii hai,

baat ab aur hai k ham ne, "Zafar",
iiNT buniyaad kii ukheRii hai.