YahaaN kisi ko bhii kuChh hasb-e-aarzuu na mila,
kisi ko ham na mile aur ham ko tuu na mila,

ghazaal-e-ashk sar-e-subH-duub-e-mizgaaN par,
kab aaNkh apnii khulii aur lahuu lahuu na mila,

chamakate chaand bhii the shahr-e-shab ke aivaaN meiN,
nigaar-e-gham saa magar koii shama’ ruu na mila,

unhiiN kii ramz chalii hai gali gali meiN yahaaN,
jinheN udhar se kabhii izn-e-guftguu na mila,

phir aaj maikadah-e-dil se lauT aaye haiN,
phir aaj ham ko Thhikaane kaa ham sabuu na mila.