|
* Phir se rangii.n zamaanaa badal jaayegaa *
Phir se rangii.n zamaanaa badal jaayegaa,
ab kii bazm-e-charaaGhaa.N sajaa le.nge ham,
ye bhii aramaa.N dil kaa nikal jaayegaa,
aap kar de.n jo mujh pe nigaah-e-karam,
merii ulfat kaa rah jaayegaa kuchh bharam,
yuu.N fasaanaa to meraa rahegaa yahii.n,
sirf unavaan us kaa badal jaayegaa,
phiikii phiikii sii kyuu.N shaam-e-maiKhaanaa hai,
lutf-e-saaqii bhii kam Khaalii paimaanaa hai,
apanii nazaro.n se hii kuchh pilaa diijiye
rang mahafil kaa Khud hii badal jaayegaa
mere miTane kaa un ko zaraa Gham nahii.n,
zulf bhii un kii ai dost bar_ham nahiN,
apane hone naa hone se hotaa hai kyaa,
kaam duniyaa kaa yuu.N hii to chal jaayegaa,
aap ne dil jo 'Zahid' kaa to.Daa to kyaa
aap ne us kii duniyaa ko chho.Daa to kyaa,
aap itane to aaKhir pareshaa.N na ho.n,
vo sambhalate sambhalate sambhal jaayegaa .
|
|