* Phir se mausam baharon ka ane ko hai *
Phir se mausam baharon ka ane ko hai
Phir se rangin zamana badal jaye ga
Ab ki bazm e charagan saja lenge ham
Ye bhi araman dil ka nikal jaye ga
Ap kar den jo mujh pe nigah e karam
Meri ulfat ka rah jaye ga kuch bharam
Yun fasana tu mera rahega yahin
Sirf unavan us ka badal jaye ga
Phiki phiki si kyun sham e maikhana hai
Lutf e saqi bhi kam khali paimana hai
Apani nazaron se hi kuch pila dijiye
Rang mahafil ka khud hi badal jaye ga
Mere mitane ka un ko zara gam nahi
Zulf bhi un ki ai dost barham nahi
Apane hone na hone se hota hai kya
Kam duniya ka yun hi tu chal jaye ga
Ap ne dil jo `zahid` ka tura tu kya |