نعت پاک

کاش اِس طرح مری عمر بسر ہوجائے
شام کعبہ میں تو بطحا میں سحر ہوجائے

میری فریاد میں آجائے بس اتنا تو اثر
میرے مالک کو مرے غم کی خبر ہوجائے

اس میں میں صاحبِ قرآں کا سراپا دیکھوں
جب بھی قرآن مرے پیشِ نظر ہوجائے

کوئی دیکھے تو ذرا میرے جنوں کا عالم
سبز گنبد جو مرے پیشِ نظر ہوجائے

ہے دعا صبح و مسا زینتِ محزوں کی یہی
اُس کی نعتوں کا ہر اک دل پہ اثر ہوجائے

 ڈاکٹر) زینت بشیر کرنولی)

5/166, Samir Manzil, Tin dukan Gali
Near Shamia Masjid, Dr. Gaffar Street, Karnol (A.P) 
Mob: 9440851829
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………