|
* Aye parindo! kisii shaam uDte hue *
Aye parindo! kisii shaam uDte hue,
raaste meN agar vo nazar aaye to,
giit baarish ka koii sunaanaa use ,
Aye sitaaro! yuuN hii jhilmilaate hue,
uskaa chehraa dariiche meN aa jaaye to,
baadaloN ko bulaa kar dikhaanaa use ,
Aye havaa! jab use niind aane lage,
raat apne Thikaane pe jaane lage,
uske chehre ko chhuu kar jagaanaa use,
Khwaab se jab vo bedaar hone lage,
phuul baadaloN meN apne pirone lage,
mere baare meN kuchh na bataana use .
|
|