تری نگہ سے اسے بھی گماں ہوا کہ ميں ہوں 
وگرنہ دل تو مرا مانتا نہ تھا کہ ميں ہوں 

عجيب لمحہ وہ ديدار _ حسن _ یار کا تھا 
اس ايک پل کی تجلی ميں يہ کھلا کہ ميں ہوں 

نہ جانے بيخبری کے وہ کس مقام پہ تھا 
نظر اٹھاتا تو ہر گل پکارتا کہ ميں ہوں 

ترے جمال کی کچھ روشنی سی پڑتی ہے 
بتا رہا ہے مجھے رنگ _ آئنہ کہ ميں ہوں 

جسے بھلا کے يہ دل مطمئن تھا مدت سے 
کل اس کے ذکر پہ اک عہد بول اٹھا کہ ميں ہوں 

پر _ زمانہ تو پرواز _ نور سے بھی ہے تيز 
کہاں ہے،کون تھا،جس نے ابھی کہا کہ ميں ہوں 

کہاں پہ سرحد _ نابود و بود ملتی ہے 
ثبوت ہو کہ نہ ہو اعتبار کيا کہ ميں ہوں 

حيات خود ہے دہان _ نہنگ _ لا يعنی 
جو ہےعدم کا مسافر ہے،ميں چلا کہ ميں ہوں 

نہ رفتگاں ہيں نہ اب ياد _ رفتگاں باقی 
ميں کيا ہوں جز رم _ يک موجہء فناکہ ميں ہوں 

مجھ ايسے ذروں کا ہونا نہ ہونا ايک سا ہے 
بگولے ان سے اٹھے تو پتہ چلا کہ ميں ہوں 

کھلا پڑا ہے سر _ راہ بے حس و حرکت 
جو ہاتھ کل تک اٹھا، چيختا رہا کہ ميں ہوں 

ابھی طريق _ تحمّل نہيں مزاجوں ميں 
ابھی فقيہوں ميں ہنگامہ ہے بپا کہ ميں ہوں 

کہيں کہيں ابھی توقير _ لفظ باقی ہے 
سخن سنائ ديا حرف _ درد کا کہ ميں ہوں 

عجيب عالم _ ہو تھا ضياء جب آخر _ شب 
کسی کو دل نے يہ کہتے ہوۓ سنا کہ ميں ہوں 
**************************