يہ دھج،يہ روپ،يہ بل، کل من عليہا فان
سبھی ہيں رزق _ اجل،کل من عليہا فان
 
ميں ديکھ دیکھ کے حيراں ہوں کائنات کا حسن
ميں سوچ سوچ کے شل،کل من عليہا فان
 
ہوا سميٹتی پھرتی ہے کل کی کليوں کو
گلاب ہوں کہ کنول، کل من عليہا فان
 
يہ دھول پھول تھی،یہ گرد عارض و لب تھی
يہی ہے رسم _ ازل،کل من عليہا فان
 
يہ چند لمحے تو جی بھر کے جی کہ اس کے بعد
نہ تو،نہ ميں،نہ يہ پل،کل من عليہا فان
 
جو ہو سکے تو نچوڑ ايک ايک آن کا رس
سدا يہ پھول نہ پھل، کل من عليہا فان
 
اس ايک لمحے سے اے دل لپٹ کے رو لے آج
جو ہے،وہ ہوگا نہ کل، کل من عليہا فان
 
ہر ايک رشتہ جس اک پل ميں ٹوٹ جاتا ہے
وہ ايک پل ہے اٹل، کل من عليہا فان
 
يہ پيچ وتاب _ تمنا عجب معمہ ہے
اور اس معمے کا حل، کل من عليہا فان
 
ترے گزشتہ وآئندہ خاک _ راہگزار
زميں کو ديکھ کے چل، کل من عليہا فان
 
غريب _شہر کو تسکين ہے تو اس سے ہے
سراۓ ہو کہ محل، کل من عليہا فان
 
يہ صاحبان _ رعونت،يہ صاحبان _ ريا
يہ صاحبان _دول، کل من عليہا فان
 
ضياء زمانہ ٹھہرتا نہيں کسی کے ليۓ
سميٹ خود کو سنبھل، کل من عليہا فان
*****************************