* کتنی دير اور ہے يہ بزم _ طربناک، نہ ک& *
کتنی دير اور ہے يہ بزم _ طربناک، نہ کہہ
راس آتی ہے کسے گردش _ افلاک ، نہ کہہ
کيوں ٹھہرتا نہيں گلزار ميں کوئ موسم
کيا کشش رکھتی ہے خوشبوۓ تہہ_خاک نہ کہہ
ديکھ تو رنگ تمنّاؤں کی بے تابی کا
کل فنا ہے ، مگر اے صاحب_ادراک نہ کہہ
درد کی آنچ ابد تک ہے ، کسی روپ ميں ہو
آج کے پھول کو آئندہ کے خاشاک نہ کہہ
لفظ کی ضرب تو ہے صاعقہ و سنگ سے سخت
دل بہت نرم ہيں ، ناگفتہ کو بے باک نہ کہہ
غمگساروں کو بھی ہے اپنے ہی آلام سے کام
دل پہ جو بيتی ہے اے ديدہ ء نمناک نہ کہہ
شوق ہی زيست بھی ہے ، زيست کی آگاہی بھی
اس مسيحا نفس آزار کو سفّاک نہ کہہ
دل_فرہاد_جنوں فہم کو ناداں نہ سمجھ
چشم پرويز _تنک ہوش کو چالاک نہ کہہ
خود نمائ تھی کہ تھا محبس _ پندار کا خوف
قيس کے جيب و گريباں رہے کيوں چاک نہ کہہ
بجھ نہ جائيں کہيں دل اہل _ تمنّا کے ضيا
کیسے شعلوں سے ہے يہ جشن_طربناک نہ کہہ
*************************** |