wo aik shaqs jo mujhko haseen lagta hai 
wo aik shaqs jo gul ki jabeen lagta hai 
wo aik shaqs jo milta he mujhko raaste me 
wo aik shaqs ke zinda hun jiske waaste me 
wo aik shaqs hansaata he na rulaata he 
wo aik shaqs jo khwabon me roz aata he 
wo aik shaqs jo aabad meri raatein kare 
wo aik shaqs jo tanhaiyon me baatein kare 
wo aik shaqs ke aankhon me jiske noor sa he 
wo aik shaqs jo mere liye suroor saa he 
wo aik shaqs jo lagta he mera mustaqbil 
wo aik shaqs jo waqai me he mere qaabil 
wo aik shaqs jo mera jahaan lagta he 
wo aik shaqs jo dil,rooh,jaan lagta he 
wo aik shaqs jo meri rag-e-hayat me he 
wo aik shaqs jo gulshan ki kaaynat me he 
wo aik shaqs jo lagta nahi paraya kabhi 
wo aik shaqs jo lagta he maahpaara kabhi 
na jaane kaisa nasha he teri nigahon me 
nahi sambhalta mera dil kahin panahon me 
me sirf teri muhabbat me khona chahta hun 
haseen teri nazakat me khona chahta hun 
bus aik baar mujhe le le apni baahon me 
bus aik baar basa le haseen nigahon me 
to mere pyar ko shayad samajh na paaye kabhi 
mere khayalon ki aamad samajh na paaye kabhi 
na jaane kese me tera mureed ho betha 
me aik maah-e-muharram tha EID ho betha